天台危樹隨時冧屋署漠視
政府處理問題樹木效率欠奉，天台危樹更未有納入「可見範圍」處理之列，途人與大廈結構俱無保障。深水埗北河街至南昌街一段基隆街，有唐樓天台滿布僭建物，並有大樹在唐樓外牆罅隙成長並伸出天台外，居民麥先生擔心隨時折斷倒下，「啲樹喺路邊或公園都會突然冧低砸親人，咁大棵天台樹到底有冇人理吓？」
長春社總監蘇國賢稱，樹木於天台罅隙生長，因根部生長空間不足，不斷生長會對建築物構成壓力，有塌下危機，「就算棵樹嘅樹根生得好，亦有可能影響建築物結構，所以最好都係移除佢！」
屋宇署接獲本報轉介後逾三個月才作回覆，惟發言人卻指未有發現天台大樹對樓宇結構構成危險，只向天台業主發信提醒須定期檢查及維修樓宇，確保樓宇安全穩固。