政情：根哥倡借鏡日本搞龕位

本月初立法會衞生事務委員會同食物安全及環境衞生事務委員會，前後腳去日本考察，前者睇醫療融資，後者睇骨灰龕位。根哥兩個都有去，換言之去咗日本差不多成個禮拜。前日由札幌返港嘅根哥話，臨走時佢喺機場花咗七千日圓，用大約六百幾蚊港紙買咗隻長腳凍蟹，但到依家仲擺喺雪櫃未開嚟食，事關佢太太啱啱出埠，諗住等埋根嫂先食，真係好老公！

講番去日本考察，根哥話日本都有靠近民居嘅骨灰龕位，但就畀附近居民優先買位；雖然平嘅都要成幾萬蚊港元一個，但可以減低居民反感，呢條橋值得香港借鏡。