政情：新金王帶隊習國情

平時忙到飛起嘅黃英豪，依家都係民安隊副處長，今次出任團長，唔單止要放低工作帶團出發，仲捐咗二十萬元做經費。好多人都知「新金王」最叻管理時間，年紀輕輕嘅佢，已經有四個仔女，喺華盛頓Georgetown大學讀書嘅大女今年仲戴四方帽添，所以幾忙都好，新金王點都要抽空出席囡囡嘅大日子，之後一家人再飛去夏威夷享受陽光海灘。雖然前後得一個星期假期，但有得陪住家人，新金王都好滿足。