過江女神：小費畀得多 服務快夾妥
呢邊廂立法設立最低工資，點知澳門夜遊界亦有樣學樣，利×水療嘅技師錢多多話自己捱到手指頭都掘埋，可惜人客視為應分，所以係時候出嚟抗爭，爭取合理待遇。咁阿妹認為最低貼士又係幾多呢？
撰文：祖 攝影：生
要求多多
點先算人心不足？睇吓澳門利×水療技師錢多多就一清二楚啦！阿妹認為現時工作與收入完全不相稱，認為夜遊行業要加薪同時，連囡囡小費都應該合理提升，咁至可以睇齊通脹喎！「高地價政策，中小企受租金直接影響生意，咁我哋呢班低層嘅打工仔又點會好過呢？須知道搞桑拿最重要地方大，一間桑拿閒閒哋過百間房，你話幾重皮費呢？公司難搵食，我哋都冇啖好食！」嘩，阿妹你真夠膽，咁多嘢講，小心畀人炒你噃！「我冇講錯，事實桑拿行業競爭大，為保持競爭力，服務費自然難以調升。再者，人客愈嚟愈難搞，好多增值服務都視為理所當然，囡囡落力做，但連多謝都冇句，咁又點會有士氣先？」講得啱，家陣啲人客要求多多，真係惡搞！
雙贏格局
打工仔當然想加人工，愈多愈好，但錢多多就表示人工係其次，最重要嘅係事後小費，事關提供優質服務無非係人客得益，作為玩家應該識做喎！「對於好似我咁專業嘅技師，若然人客覺得我服務滿意而加小費，咁就雙贏囉！」言下之意，錢多多即係覺得小費太低，咁幾多至合理呢又？「咁好難一概而論，有啲人客或者小費多過肉金都未定，但少過二百我就覺得太低！不過我都知道，不少人都係一個月玩一至兩次，吓吓咁畀真係好犀利嘅！」阿妹嘅意思即係生客畀多啲，熟客畀少啲，咁要變熟客，你都要識做至得喎！