尋晚投資推廣署舉行一年一度嘅酒會，招待過去一年喺香港擴充業務嘅外來企業。咁開心嘅時刻，梗唔少得中聯辦經濟部副部長王暉。卓妮見佢心情勁靚，拉住上海小南國執行董事王中英影相，原來兩人係舊相識，所以幫自己友賣吓廣告都無妨。點知王暉覺得唔夠過癮，叫埋王女士一齊踎低，兩人齊齊喺滿載商標嘅板上搵出細小嘅小南國標誌，指住影相，咁先至滿意收貨。
（余素月攝）
