市區重建局首次披露已完成重建項目嘅財政狀況，結果全部都係賺大錢，令公眾嘩然。尋日喺立法會發展事務委員會上，有議員質問當局，除咗市建局有錢賺之外，發展商又賺幾多呢？發展局局長林鄭月娥開宗明義反對議員話發展商利用市建局賺錢嘅講法，佢話發展商係市建局嘅合作夥伴，參與項目，而喺項目公開招標時，已經為納稅人收回得益。實情即係市建局同發展商一齊賺錢，林鄭幾乎講到口邊，只係無講出口。