房署擱置建升降機害慘順天邨民
觀塘順天邨多年來一直不設公眾升降機，近二萬名居民每日需「撐樓梯」徒步往返。居民爭取經年後，房屋署原於○七年承諾加建升降機連接公眾地方，其後卻突然擱置。區議員踢爆房署為迎合《施政報告》而「話起唔起」，令已落實的興建計劃無端被押後。關注團體批評房署只顧「托大腳」，漠視居民需要，要求公開交代擱置因由。
依山而建的順天邨落成至今已有廿九年，多年來居民一直靠巴士及小巴接駁出入，受地勢所限，居民須經過既長又斜的樓梯才能抵達巴士站與小巴站，年輕力壯者尚感吃力，長者則叫苦連天。
長者行長命斜索晒氣
八十四歲、患有痛風的祥叔說：「我要好小心同行得好慢先唔會跌親，次次都行到索晒氣。之前房署又話會整部
，到依家連影都冇！」祥叔指每次均需花上最少半小時才能走完「長命斜」，不滿房署承諾遲遲未有兌現。蘇伯須以輪椅代步，年逾七旬的蘇太每日推着丈夫出入，坦言「推到手軟」，「我哋要行斜路去巴士站，但我有腳痛，自己都要用拐杖，仲要推佢上上落落，有就唔使咁辛苦！」
事實上，房署早在○七年年底，因應居民要求已決定在邨內加建升降機，並選址於樓梯旁空地，翌年年初更曾進行鑽探。不過，當區區議員郭必錚卻踢爆，○八年《施政報告》提出會為全港依山而建屋邨安裝連接公眾地方的升降機或扶手電梯後，房署便即時擱置順天邨興建升降機的計劃，「房署突然間又話要押後，一直都冇講幾時會起，笪空地到依家都冇人開工！」
郭指隨着順天邨人口老化情況日益嚴重，長者對升降機需求便愈趨殷切，「啲老人家日日撐上撐落真係好辛苦，都唔知仲要等幾耐？」郭促房署勿置居民利益於不顧，早日履行興建升降機的承諾。
團體促交代叫停因由
「明明○七年話咗會起，冇理由因為《施政報告》做相同嘅嘢就要托大腳，遲啲先做去迎合政策，咁對啲邨民好唔公平！」公屋聯會主席王坤不滿房署漠視居民所需，做法令人難以接受，要求公開交代擱置因由，以正視聽。
對於擱置興建升降機計劃多年的因由，房署發言人並未正面回應，只重申去年經評估地理環境等可行性後，已落實在順天巴士總站旁興建升降機，並已交由顧問公司設計及籌劃招標事宜。
記者 梁少儀