政情：停車熄匙 民記左右做人難

討論停車熄匙條例草案嘅委員會今日召開第一次會議，大部分代表工會嘅議員都加入委員會，預備向環境局局長邱騰華發炮，逼港府放寬喺的士站嘅執法安排。工會齊心，變相將建制派第一大黨民建聯擺咗上枱，事關依家支持同反對草案嘅議員數目都係一半半，如果民記唔為業界發聲，可能會得失好多的士選民，但同時又要顧住政府同市民希望改善空氣質素嘅大方向，入咗委員會嘅陳克勤同張學明睇嚟都注定左右做人難嘞！