政情：陳捷貴又再違例泊車

陳捷貴尋日接受本報查詢時承認，佢因為趕住開會，加上現場車位泊滿，先至將架車停泊喺行人路，但只係停泊咗十五分鐘。無論如何，根據法例，任何人不得將汽車停泊在行人路或行人道，違者定額罰款為三百二十元。記得陳捷貴上次違例泊車被揭發後，中西區區議會主席陳特楚已去信全體議員，提醒議員身居公職，應善用停車場。點知有人就以無位泊車為由再次違例泊車，知法犯法，犯完再犯。