中環耳目：翠華豬軟骨楊家駿「飛佛」
台灣駐港最高代表、中華旅行社總經理楊家駿移居香港已經好一段日子，入鄉隨俗，楊總話佢都好鍾意去茶餐廳大歎港式地道美食。不過講到佢嘅「飛佛」，就要數有「名人茶餐廳」之稱嘅翠華嘞。楊總仲自爆佢最愛嘅係台灣食唔到嘅豬軟骨！
楊總話，雖然翠華有成三百幾樣菜式可以點，但據聞廚房入面只係得四個廚師，所以覺得佢哋好厲害、好amazing喎！佢又話試過翠華嘅招牌豬軟骨後，食過翻尋味，大讚佢哋煮得夠晒有口感之餘，亦都好入味，仲講笑話佢自己已經老，需要食多啲骨膠原補補身，以形補形喎！
