中環出更：陳曦齡「神奇」小手袋不離身
作為繁忙嘅都市人，時刻都要緊貼潮流同市況，所以接駁全世界嘅通訊設備唔少得。每次見親身兼兒科醫生嘅維特健靈董事長陳曦齡，佢都必定會孭住一個「神奇」小手袋，呢個Chanel小手袋入面有三寶，分別係用嚟Check e-mail嘅Blackberry、唔能夠「潛水」嘅醫生Call機、同埋隨時可以搵到佢嘅電話一部。有時文件多，佢寧願加多一個手提包，都唔會轉用大手袋裝埋三寶。
陳曦齡嘅小手袋有冬天同夏天之分，冬天深色衫多，佢就會選用黑色或者藍色嘅小手袋，而到咗夏天，佢就會轉用白色。
除咗Chanel之外，其他啱size嘅牌子，曦齡都一樣會用，所以LV同Gucci都一樣有機會成為「神奇」小手袋。
不過如果遇着個袋條帶唔夠長做斜孭袋，曦齡就會自己買條帶，總之呢三件通訊工具絕對唔能夠同佢分開。