究竟係呢個特區政府已經散到咁嘅地步，定係食物及衞生局局長周一嶽唔負責任到咁離譜？尋日《城市論壇》討論骨灰龕問題，但政府互相推莊，點都搵唔到一個代表出席，最後仲將責任推咗畀上頭，即係政務司司長唐英年。睇嚟呢個政府除咗要諗諗點樣解決骨灰龕問題，仲要解決點樣整固團隊精神，同點樣回答傳媒問題，否則內部矛盾出晒街，真係笑死人。
