政情：謝曼怡升官追平老公

其他調動仲有現任特首私人秘書麥靖宇升任特首辦常秘，以及現任助理政府化驗師劉秋銘接替下月退休嘅丁大倫，出任政府化驗師，真係調到大家頭都暈埋。

今次三位升任首長級第八級（D8）常秘位嘅高官，栢志高同黎太都係五十歲，謝曼怡就只得四十七歲，算係升得相當快，反映資深政務官出現青黃不接問題。謝曼怡早喺○六年初升任行政署長，爬咗老公周達明嘅頭，事關周達明當時仲做緊環境運輸及工務局副秘。到去年周達明升做發展局常秘，又贏番只屬D6級嘅太太一次。依家謝曼怡升D8，兩公婆又追番平。