政情：鄧國斌幫公營機構捉懶蛇

近年審計報告經常揭發公營機構「大花筒」，兼且發現好多負責監管機構運作嘅董事局委任成員成日偷懶唔開會，搞到監管一環形同虛設。審計署署長鄧國斌尋日喺電台節目中，就點名批評公營機構管治粗疏，話第日會加強為佢哋「驗身」，順便捉多啲唔開會嘅懶蛇。雖然班機構管理層好多時畀人鬧完都係冇咗回事，不過審計署開到聲要睇實啲，好心啲董事們檢討吓自己，以後勤力啲開會啦！