政情：3000預算問題轟炸傻強

財委會安排咗今個月廿二至廿六日，一連五日舉行合共超過廿七個鐘頭特別會議。而議員喺今個月初期限前，向政府提交有關預算案嘅書面問題，等財經事務及庫務局分派畀相關政策局或部門回答。

今年書面問題總共有三千一百九十二條，比舊年多大約二百條、比前年更加多約四百六十條，按人均計的話，喺少咗五位議員同埋剔除立法會主席後，平均每位議員提出約五十九條，數量認真驚人。

鬍鬚曾喺○七年上任財爺之後，議員提出書面問題嘅數量每年遞升，可以話係另一角度反映出佢份預算案愈嚟愈不濟。