政情：林煥光話80後唔算激

尋日林煥光接受電台訪問講男女平等，亦提及到「八十後」年輕人，林煥光話，「八十後」好似將一班年輕人標籤化咁，但其實火紅並唔係「八十後」嘅專利，佢自己喺大學時代都非常「火紅」，佢憶述當年情況，話自己七十年代曾經跟朋友一齊參與保釣運動、中文運動，如果講激進，「八十後」根本遠遠不及六、七十年代嘅抗議人士，「好似以前油麻地艇戶抗爭咁，你同番啲老餅講吓，不知幾激！」

不過林煥光都話，應該以正面跟積極嘅角度，去睇依家年輕人表達意見嘅行為，仲話「八十後」比佢哋以前一代更加有創意添。