公民黨黨魁余若薇話，如果嚟緊補選冇任何對手參與，公社兩黨嘅「公投」就係「不戰而勝」。尋日記者問林D9點睇，佢就同記者講古仔，話自己讀大學時，都有代表學校參加羽毛球比賽，好多時有啲報咗名嘅球隊冇出現，咁出席咗嗰隊就會自動勝出。林D9話，呢啲俗稱為「walkover」嘅情況，先可以稱為「不戰而勝」，但依家補選在即，唔少黨派講咗會杯葛，根本冇對手可言。佢仲話：「我未聽過世界上有一啲所謂『公投』，喺零投票情況下，都可以話自己『不戰而勝』囉！」體育細胞旺盛嘅林D9忽發神威，曲線show quali寸爆「公投」，當堂令在場記者O晒嘴！