中環雲咸街公眾電單車位與行人路之間，去年已增設底部設有橫杆的「倒Ｕ」形防盜欄，供車主為電單車上鎖。不過，駕駛電單車十多年的袁先生發現欄杆「睇得唔用得」，「個欄杆有成米幾高，泊埋去啱啱頂住個尾箱，鎖唔到車不特止，頭轆仲會凸晒出馬路！」

袁指防盜欄設計差勁，鮮有車主鎖車，但卻為酒吧開拓另類商機，「一到夜晚啲酒吧就加個特製套上去，仲擺埋煙灰缸做臨時吧枱，都不知幾好！」袁坦言對試驗計劃極為失望，更直斥運輸署「冇嗰樣整嗰樣」。

電單車交易網站「BikeHK」負責人郭先生認為，有關計劃「試行」逾年仍無改善，與運輸署效率欠佳有關，「我哋並唔反對裝，但點解咁簡單嘅嘢都搞到一塌糊塗，改咗幾次都唔掂。」

無法上鎖 尾箱「頂住」欄杆，阻礙泊車並增加欄杆與車輪距離，無法鎖上防盜鏈。	阻開尾箱 受防盜欄阻擋，袁先生無法開啟電單車尾箱。	臨時吧枱 入夜後，防盜欄杆被附近酒吧僭建成臨時吧枱，擺放煙灰缸及酒杯，擴充營業。

議員斥試驗計劃缺乏諮詢

「防盜欄個意念係好，但冇理由諗唔到咁高會頂住車尾箱，如果畀人霸埋做吧枱更加接受唔到！」身兼中西區區議員的立法會議員葉國謙直斥試驗計劃欠缺廣泛諮詢，倘使用率長期偏低，便須盡快檢討並作改善。

劉先生「欄杆頂住車尾箱泊唔到車，夜晚就變吧枱，泊喺度真係驚燒咗架車！」

RICHARD「個設計好失敗，防唔到盜仲阻住泊車，真係好STUPID（愚蠢）。」

反效果嘥資源 促杜絕濫用

立法會交通事務委員會委員葉偉明更稱，問題反映政府施政不時「好心做壞事」，最終帶來反效果造成浪費，建議當局派員巡查，杜絕公物遭佔用情況再現。

運輸署發言人指出，試驗計劃自○八年五月實施，在雲咸街及新寧道作首輪試驗，其中新寧道的設施需費約一萬元。該署在施工前曾諮詢警務處及電單車會，並透過民政事務總署收集市民意見，亦有參考《路政署標準圖則》設計，在綜合首輪意見後，預計第二輪試驗計劃將會於二○一○年展開。對於欄杆被非法濫用一事，該署將與相關部門跟進。

根據警方統計數字，○六年至○八年三年間的電單車盜竊案分別為五百九十八宗、三百二十四宗及四百一十六宗，今年截至七月則有二百零八宗，平均每日一宗。

記者 柯翠菡