盧文端太太早前誤墮懷疑假貨陷阱，向一位相熟嘅闊太購入價值廿五萬嘅愛馬仕手袋後懷疑係假貨，要報警求助。老公盧文端知道太太被騙後甚激氣：「我有鬧太太，點解咁失策？我唔識呢位闊太，太太之前同佢買過兩隻價值幾十萬嘅名錶都無問題，唔明點解個手袋有問題。」

佢話太太現時身在倫敦，陪伴細女參加皇家音樂學院暑期培訓班，假手袋事件未知是否追討成功，不過為咗畀太太一個「教訓」，盧文端話唔會出錢買番個愛馬仕手袋氹老婆喎。

盧文端早前有份接辦臻美黃乾亨小學，並變身福建中學附屬學校，佢透露近日以校董會主席身份批出五百萬元經費，改善校內電腦設施及翻新校園。同場嘅福建中學校監黃周娟娟就話，校內單係教員室就有三個，需要執一執。