性愛研究

呢個色情服裝博覽會，對於一眾喜愛另類性感打扮嘅人士嚟講，係每年必到嘅盛事之一。而是次舉行博覽會場地，據講佔地過萬呎，可同時容納過萬人，單單想像一下就知有幾受歡迎！

主辦單位聲稱，是次博覽會將會展出過千件以漆皮、橡膠等物料製成嘅情趣服飾供入場觀眾欣賞，場中更會展出過千性玩具並提供產品示範，令一眾有興趣人士可以更深入了解正確性玩具玩法，此外，在博覽會舉行期間，大會更安排一系列性愛研究座談會及色情艷舞騷，務求帶畀觀眾一種全新嘅性愛體驗及認知。

叫好叫座

或者大家會認為呢個博覽會擺明係抄美國性愛博覽，雖然係咁，但人種不同、主題不同，出來效果亦大不同。就以美國三藩市色情服裝博覽為例，目前已踏入第廿九屆，但每年節目都千遍一律，起用男女脫星上台表演，服飾及場地布置亦沒有新鮮感可言，之所以咁受歡迎，好大可能是因為未有競爭對手，加上愛好者甚多，來自歐美等地，屬慣性收視不足為奇！

相反，大阪這個性趣服裝博覽，今年踏入第二屆，但由場地設計，節目安排、以至主角情趣服飾全由日本人操刀，經已是信心保證，況且有世界知名的日本性玩具商撐腰，單看牌面已經夠晒叫座力！

玩家朝性

由於大會主力介紹各類性感服飾，每年都會吸引各類有服裝癖嘅人士到來朝聖，當中包括喜愛穿塑膠服嘅戀物狂，愛穿女士內衣嘅易服癖男士，以及一班心儀制服誘惑嘅人士。真係睇見都替戥佢心驚。但對於一眾渴望成為焦點嘅參加者嚟講，有機會畀佢哋攞正牌騷料，走光畀人笑都在所不計！

既然講明每位入場嘅參加者都要有獨特一面，當然有機會畀佢哋一騷身手引人注目啦！大會喺場內設有艷舞擂台，全日分為兩個時段畀參加者自由報名參加比賽，有興趣嘅參加者可以睇完大會指定嘅艷舞騷後，走上台表演，當所有參加者表演完畢後，觀眾可以利用入場票尾，向喜愛嘅參賽者投下神聖一票，獲得最多票數嘅參賽者，就可以得到冠軍獎項。

就上年所見，超過七成是女參賽者，為求勝出及得到同道認同，台上不惜剝衫任觀眾睇，引起台下一陣哄動，雖然獎品沒有現金大獎，但參賽者都表示純粹享受表演，蝕底都無所謂！嘩！唔怪得非同道中人都湧住去參加啦！

撰文：祖