引路徑一截截為難視障人
政府轄下有二百多個公共運輸交匯處，惟近半尚未設置視障人士設施，即使設有引路徑，亦出現「有前冇後」奇景，視障人士無法在引路徑指引下安全抵達巴士候車處。關注團體狠斥運輸署忽略視障人士需要，與實現無障礙社區背道而馳。立法會議員與區議員均要求當局從速檢討及加強現有配套設施，協助視障人士融入社區。
視障人士阿志（化名）居於大角咀，每次前往柏景灣交匯處乘搭巴士均需花上極長時間，且要步步為營，「係就係有引路徑，可惜行行吓就斷咗，根本去唔到巴士坑（候車站），都唔明點解鋪啲唔鋪啲？」阿志為免寸步難行，平日惟有減少外出，被迫留在家中。
「淨係叫我行去商場」
香港視障視全人仕協會會長歐光宗曾與記者到場視察，當沿着海泓道進入交匯處後，即發現引路徑鋪至通往商場的扶手電梯即告「止步」，未有伸延至車站，「唔通條引路徑淨係叫我哋行去商場？連想搵站長問都唔知行去邊！」由於引路徑與候車站相隔一條行車路，區光宗橫過馬路的時候，只能憑聽覺斷估沒有車輛駛至，「大巴就話有聲啫，VAN仔嗰啲細車就未必有聲，聽唔清楚好易畀車撞親！」區直指當局置視障人士安危於不顧。
對於引路徑被指設計欠善一事，運輸署發言人未有正面回應，只稱上述交匯處將進行改善工程，引導視障人士前往各個巴士候車處，工程預計於明年九月完成。發言人又稱，政府轄下約二百一十個公共運輸交匯處已按二○○一年交匯處設計標準，所有新興建之交匯處已包括觸覺警示帶及觸覺引路徑視障人士設施，現時共有九十三個交匯處尚待設置有關設備。即過去十年約有五成交匯處合乎標準。
政府從無諮詢區議會
「視障人士唔單止係失明，弱視、老人家或者有嚴重眼疾嘅都需要引路徑幫忙，點可以鋪得咁求其？」當區區議員陳偉強指當局從未就上述改善工程在區議會進行諮詢，質疑當局漠視視障人士需要，「有心做嘅點解唔出聲？唔通佢哋博第時做唔到（改善工程）都冇人知？」
立法會交通事務委員會委員陳淑莊坦言，將引路徑擴大延伸至所有車站或橫街窄巷有難度，但認同現有視障人士過路配套仍然不足，當局有必要定期檢討，令有關設備用得其所，「就算依家嘅資源分配做唔到條條巴士坑都鋪（引路徑），至少要帶到人去問站長，而唔係去商場！」
記者：蕭智湲