自由黨呢次西藏之行，計劃八月初至八月中起行，三位立法會議員、中常委加地區骨幹，廿幾人柴娃娃出發，暫定玩四至五日，行程短係短啲，不過，大家都知啦，自由黨成員好多都有生意在身，行得開幾日，已經好難得，玩五日，差唔多嘞。

先飛西寧適應高山氣候

行程唔長，但風險好高，遊西藏萬一患上高山症，輕則缺氧不適，重則有生命之虞。副主席方剛話，黨友都知道高山症厲害，所以，佢哋會先飛青海省嘅西寧，適應吓高山氣候，再坐火車上西藏，咁就安全啲。自由黨都算諗得幾周到，不過，人在異鄉，都係萬事小心啲好。

卓妮