政情：副局政助拔河秒殺民記

十三位出席嘅副局政助尋日一副武裝，做足準備同民建聯玩拔河。政府隊起初同民記隊伍鍊咗分幾鐘後敗北，但竟然喺第二場反敗為勝，喺短短五秒間「秒殺」對手，第三局仲以三局兩勝贏埋添。

譚Sir事後重申民記現階段就申亞立場未變，話該黨中委多次討論後，認為現時時機唔成熟，覺得港府做好配套先再申辦，成功率會高啲。講開申亞，自由黨主席劉健儀尋日亦說漏了嘴，口快快話：「政府搞掂咗民建聯，我哋就易話為啦！」佢事後補飛，強調自由黨唔係跟民記投票，只係因為佢哋喺立法會得三票，唔得政府重視啫。