政情：鬍鬚曾攞豬流感講風涼話

豬流感肆虐全球，各國嚴陣以待，懷疑受感染嘅人都要被迫隔離坐悶監，如果好似「維景人」咁，要喺一個半封閉空間困足七日，更加無病都隨時屈到病，情況可憐。不過啱啱喺北美穿州過省、結束外訪返港嘅「鬍鬚曾」曾俊華，尋日大講風涼話，有記者問佢喺外地有冇被隔離時，佢竟然話如果隔離可以攤抖嘅話，佢都歡迎被人隔離一下。嘩！咁無同情心嘅說話都講得出口，鬍鬚曾如果路過維景酒店，記住要擔遮呀。

直擊人類豬流感最新疫情
詳情瀏覽on.cc《奪命流感》