篤芒HF M31見人就追

港女自拍十式唔單止適用於DC和手機，以後拎住DV自拍一樣冇難度，皆因Canon將180度篤芒操控及自動場景融入LEGRIA HF M31全高清攝錄機內，篤一篤自己個樣就全程自動追焦，仲可開啟超級防震功能減少手震情況，單手拎住邊行邊拍都唔怕頭暈。

32GB記憶體大約夠拍12小時影片（LP模式），仲可直接在機身將高清片轉換成標清格式入卡。

31個場景操控簡易

自動場景功能在Canon相機就見得多，今次移植至高清攝錄機特別追加7個移動人像模式，令自動偵測場景增至31個，讓用家在背光或藍天等環境下穿梭走動，都能準確曝光和修正色溫等問題。自拍時只需180度反轉個芒，再篤自己個樣就搞掂，還可在屏幕直接加減EV、開補光燈和Zoom遠近等，令操控變得簡便。

32GB記憶體大約夠拍12小時影片（LP模式），仲可直接在機身將高清片轉換成標清格式入卡。

淨重320g手掌咁細的高清攝錄機都有Hotshoe，可自行加裝收音咪、攝錄燈等強化配件。售價：$7,480（HF M300）待定（HF M31）

淨重320g手掌咁細的高清攝錄機都有Hotshoe，可自行加裝收音咪、攝錄燈等強化配件。售價：$7,480（HF M300）待定（HF M31）

15倍變焦強化防震

由於輕觸操控省掉了大部分按鍵，令HF M31重量只有320g，Size同罐可樂差唔多，細看零零舍舍發現有粒Powered IS掣，原來Canon為了15倍長炮Zoom及行路拍片時常見的手震情況，特意強化光學防震功能，一按即可減少低頻和搖擺震幅。同系列另有規格相若的HF M300，只是較HF M31少了內置32GB記憶體，單靠SD/SDHC卡攝錄影片，不過以現時32GB SDHC六百多元有交易，買多幾張卡似乎更抵玩。