盧巧音（Candy）與周永恒為手袋騷做表演嘉賓，即場獻唱，Candy笑言為死仔包（周永恒）搵奶粉錢才合作，她說大家多年沒有聯絡，他入無綫做幕後才重遇：「之後佢又結婚、老婆又有咗，仲快過我呀，總之，如果佢呢胎係仔，我若果生女，就同佢對親家！（佢之前咁唔生性，依家放下心頭大石？）佢大個仔，成家立室連BB都有埋，都生性咗，總之佢有分寸，我唔需太擔心啦。」
Candy說二人在音樂上很有默契，希望日後有合作機會：「我就快出碟，都唔想佢嘥咗支結他，依家逼佢寫歌。」
