on.cc 東方互動 iPad App Top Free冠軍

依家iPad大行其道,無論你係用Wi-Fi抑或3G版,相信最大用途莫過於隨時隨地瀏覽即時資訊。全港讀者人數最多的東方報業集團再次領先業界,為iPad打造「on.cc東方互動」App,唔好以為同網頁版一樣,查實iPad版經過精心設計,即時新聞 × 《東方日報》× 《太陽報》三合一,介面方便之餘,仲提供大量即時資訊,加上免費任單撈,仲唔去App Store即裝!

一App網羅《東方》《太陽》

好多人都鍾意下載新聞App,貪佢可以隨時隨地攞料,但有不少新聞App的內容採用節錄形式,睇慣報紙嘅朋友可能會嫌內容唔夠喉。iPad版「on.cc東方互動」卻能原汁原味收錄報紙6大類原文報道,包括要聞港聞、兩岸國際、財經、娛樂、副刊、體育,務求令你可以睇晒詳盡嘅內容。不過最令人驚喜嘅係「on.cc東方互動」同時提供《東方日報》及《太陽報》報紙內容,緊貼時事的各位一定鍾意。

操作順暢 免費下載

雖然「on.cc東方互動」需要上網至睇到,用3G版嘅用家會比較方便,好彩依家公眾場所、交通工具甚至快餐店都有Wi-Fi提供,連接非常方便。值得一讚的是「on.cc東方互動」載入大量圖片和文字時,完全無影響App嘅速度,點Drag都唔會窒住,抵讚!此外,新介面亦十分清晰,新聞列、圖片欄分別設於畫面左右兩方,充分利用iPad 9.7吋大芒,就算小朋友都識用。有《東方》《太陽》兩大報章的強大資料庫,再加上即時新聞極速資訊全部免費任睇,難怪連續多日雄踞App Store排行榜冠軍。

7類即時新聞 極速更新

話明係即時新聞,更新速度當然要夠快,咁先可以掌握最新資訊。先前「on.cc東方互動」推出iPhone版已支援即時新聞,來到iPad版,當然會繼續保留呢個功能啦!iPad版「on.cc東方互動」提供7大類新聞即時更新,分別為港聞、兩岸、國際、財經、娛樂、體育、交通/天氣。小記試用即時新聞功能,發現更新速度極高,全天候新聞已送到手上,連娛樂新聞都可即時睇,隨時捕捉明星動向,啱晒追星一族。

「on.cc東方互動」

下載費用:免費

撰文:林子聰

攝影:張群生

模特兒:CC(Royal Viesta)