貪靚鈴木仁兼職形象指導
模特兒出身的鈴木仁因為朋友早前在港開了時裝店，向來對時裝熟悉的他獲邀出手相助，負責Styling（形象指導）和PR的工作，同時兼顧其Modelling事業，實行多線發展，他說：「我好鍾意時裝，一直都好想可以做Styling嘅工作，好開心有呢個機會，我已經做咗半年，通常都係影相時幫模特兒做Styling，但主力仍然係自己嘅Modelling工作。」他希望將來能有自己設計的品牌，現時可以趁機學多點有關時裝行業的事物。
幫人扮靚設計形象，自己當然要懂得扮靚之道，鈴木仁自認是貪靚之人：「因為我係Artist，所以一定要注意自己嘅儀容同外表，建立自己嘅形象，而且着靚衫都會覺得好開心。（會唔會同女朋友Angela交換意見？）我哋會一齊Shopping，有時睇啱都會互相買衫畀對方。不過衣着方面我唔會畀太多意見佢，除非佢主動問我，例如佢會拎住兩件衫問我去Event着邊件好啲，咁我就會畀意見佢。」
場地：SEQUEDGE ART & MODE
模特兒：Zenki（男）、Annette（女）
