周六，約了女友茶敍，順道 Shopping。今次並非買衫買鞋，想睇睇樓，目標鎖定堅尼地道。女友約了相熟的地產代理，雖然不是這一區，但跨區又何妨？他們自然有同區代理協助。

兩個女人難得相聚，自然話多，地產代理不停奪命追魂Call。唉，我們始終是客人嘛，對這代理的印象已經打了折扣。乘的士到堅尼地道，見面後原來是一個新嫩代理，專做錦綉花園的，對灣仔半山樓盤完全不懂。他對我們說，本區的代理正在途中，稍等吧！心裏不好受，不停追Call結果要等。終於，這區代理施施然到了，是個中年老Sales，第一句說話已經十分難入耳：「這區的樓好渴市的，唔係有錢就買到的，嗱，這棟大廈是某某建的，最近×姨太連租約沽了幾個單位，承接力好強㗎，你們遲了，無緣入市了。」 我忍不住反問：「呀先生，×姨太出貨證明已到價啦，佢又不缺錢，咁應該是沽貨訊號而非入貨訊號呀？」老Sales估不到我反應快，默然無語。

這老Sales態度冷漠，可能近月市道暢旺，又或者睇死我們兩個女人買唔起，完全敷衍了事。

這地產代理公司是香港兩大代理之一，亦是唯一上市的。可能近年地產代理行業的生態環境已變，專攻新盤，做二手樓費時失事，佣金又低，自然看不上眼。

星級註冊女中醫