XT5＋mi adidas殼冧盡好動家庭

自Milestone後，摩記好似甦醒了一樣，新機浪接浪咁推出，繼上月部影相手機Milestone XT720後，今個月又有部中階機種Quench XT5，有齊3.2吋電容式屏幕、600MHz處理器及500萬像素鏡頭都只賣$2,580，加上mi adidas底蓋畀你隨時變身，最啱一家大細喺家庭日換個Sporty look齊齊做運動！

售價︰$2,580

姐姐跑步換殼扮靚

摩記話晒靠Android重振雄風，自然對系統不離不棄，依家逢有新機都掛上Android字頭，而當中又劃分為兩個系列︰Milestone主打旗艦機、Quench則屬大眾化型號。今次部Quench XT5正是之前Quench XT3的變種，重量厚度同為117g及12.4mm，並採用直身式設計，不過最吸引姐姐係處理器加快至600MHz，邊跑步邊操控都唔覺窒，仲額外送多兩款mi adidas底蓋畀你扮靚，圖案重新設計保證第二度搵唔到。

放大圖片	跟機多送兩款mi adidas機殼，用料和設計都好Sporty。	放大圖片
機背布滿車胎紋，手汗幾大都唔怕跣。	主介面可快速啟動Facebook、YouTube及地圖等實用Apps。

妹妹打網球機背胎紋唔跣手

愛打網球的妹妹，鍾情XT5的機背滿布車胎紋，好似球拍咁唔易跣手，另外亦要讚XT5內建3.2吋「Pinch and Zoom」多點觸控屏幕，兩指開合就能縮放相片或網頁，加上屏幕下方可找回Android手機最傳統的Trackball軌迹球，碌兩碌就可移動鼠標，手感比新興的Navi Pad更實用。此外，新機上網速度達7.2Mbps，去邊度打波都可快速上網，惟需留意瀏覽器連Flash Lite都未有，期望將來升級至Android 2.2時可一併提供。

放大圖片

唔使拆電就換到SIM卡同microSD卡，雖然唔係咩高難度設計，但相當體貼用家需要。

唔使拆電就換到SIM卡同microSD卡，雖然唔係咩高難度設計，但相當體貼用家需要。

厚度只有12.4mm，拍埋個一毫子就知有幾薄。

波牛哥哥最重操控

玩開Android手機的哥哥，用落發覺XT5有不少微調，例如程式清單終於加入體感操控，橫置機身時會變成打橫顯示；下拉屏幕則見到新增的Status Bar，睇到晒電量、數據等狀態。另外，原生Android冇中文輸入法，XT5亦作出強化，唔單止有倉頡、拼音和筆畫輸入法，仲提供手寫辨識，無論潦草定簡體字都能準確識別。至於鏡頭就不過不失，500萬像素配LED補光燈，Snapshot都算夠用。

放大圖片	程式清單對應體感可打橫顯示，呢點連機王HTC Desire都未做到。	屏幕往下拉就找到Status Bar，電量、數據狀態一清二楚。
提供多種輸入法，單係中文就有齊倉頡、拼音、筆畫及手寫。