宅男極多

根據非官方組織於2005年做過嘅調查所得，日本當時嘅御宅族數目超過170萬，而且增長極之迅速，漸漸成為日本社會極為關注嘅重要問題。另一方面，呢班宅男雖然有工返，但係佢哋每日嘅戶外活動都只限於返工，一收工就即刻返屋企繼續打機或睇動漫畫。

其實，佢哋都唔想生活咁單調，但係佢哋本身又唔多朋友，尤其係唔識得同女士接觸，形成佢哋唔夠膽出去溝女，令宅男們唔好話冇女朋友，就連一直保持住嘅處子之身都未能夠打破。當中更加有不少宅男，人到中年都仲係處男，令人不勝唏噓！有見及此，宅男們就決定組成大聯盟自救，而呢個大聯盟就稱之為全國童貞連合！宗旨就係希望各位處男可以透過互相鼓勵、互相教路，令處男們得以鼓起勇氣，狠狠地去溝女，又或者簡簡單單以金錢交易，衝破處男命運！

幫手搵女

全國童貞連合有一個主要網站，呢個網站用意係開設一個平台，讓各位處男將個人資料放上去，亦可以寫下自己對心儀女性嘅要求，有心幫呢位處男嘅朋友則可以代為搵女，如果事主許可的話，聯盟嘅主席更加可以代佢喺風俗店搜尋。雖然係金錢交易，而且早知風俗娘唔會付出真感情，但係對於好多心急破處嘅人嚟講，總算好過守住隻豬過世！另一方面，處男嘅資料放上網站之後，有不少例子係有想搵處男拍拖嘅女性從中挑選對象，因此締結良緣。

與此同時，呢個平台亦成為各位處男互相交流心得嘅地方，例如提供資料，指出邊個地方比較多女溝，邊個地方嘅女比較容易溝，吸引處男勇於踏出溝女嘅第一步。此外，更加有不少成功破處不久嘅過來人，詳細教授處男們如何應對第一次嘅來臨，等佢哋喺第一次發生嘅時候唔會手足無措。

湧去逆援交

雖然有志士提供資料，建議處男可以去邊度溝女搵食，但係呢班處男基本上都係怕醜仔，要佢哋同女仔溝通，分分鐘難過要佢哋登陸月球。再加上佢哋不善辭令，對住女仔條脷一定打晒結，溝女嘅成功率往往唔高，更加令佢哋為之卻步。

不過，咁都唔係冇辦法解決嘅，因為日本有一種玩意叫做逆援交，指有部分援交少女為咗搵錢而主動出擊，聯群結隊去到酒吧或卡拉OK搵男人一齊玩，全程仲會主動投懷送抱，主要目的就係令目標男子抵受唔住慾念，畀錢同逆援交少女上酒店深入了解。既然呢班逆援交少女咁主動，而一班處男又咁被動，咁就一拍即合啦！所以，聯盟定期都會搞活動，拉隊去各個有逆援交少女出現嘅夜場，方便佢哋被少女兜搭，繼而由少女引領到酒店房結束處男命運。

撰文：賢