呢排香港嘅大學輪住行畢業禮，仲會頒發榮譽博士，其中科技大學就會頒文學榮譽博士畀紅杉資本（Sequoia Capital）主席Michael Moritz。
要發掘出Google、Youtube同Yahoo，將佢哋由寂寂無聞嘅公司，變成今時今日領先全球嘅美國上市科網巨企，真係少啲眼光都唔得！而背後促成一個又一個科網傳奇誕生嘅人，就係有「硅谷風投之父」之稱嘅Michael Moritz。
Michael Moritz加入公司後，主導投資上述等多間著名科企，於○六同○七年連續兩年榮登《福布斯》雜誌嘅高科技促成交易者「點石成金榜」榜首。而紅彬資本所投資嘅公司市值，佔美國納斯達克市場總市值逾兩成，可想而知佢影響力有幾大，話佢改寫咗美國科技革命，甚至全國經濟，真係一啲都唔誇張！
佢同小說家老婆Harriet Heyman都係慈善家，喺《慈善紀事報》嘅美國大慈善家排行榜中，名列13位。
余絲韻