高比轟39分湖人照5連敗

鳳凰城板櫈得分贏晒

高比拜仁今戰一人撐起全隊湖人，起手37次14中攻入39分，成為繼「天勾」渣巴及米高佐敦等人後，第5位於36歲或以上仍可取得39分及9個籃板的球員。而「小飛俠」的後場拍檔林書豪亦有18分進帳，一對後場組合就為湖人轟入57分。不過，鳳凰城有5人得分達雙位數字，後備席更轟入53分，遠勝只有17分的「紫金兵團」第二梯隊。正選與後備取得平衡的鳳凰城，終憑後備小前鋒PJ杜卡於完場前19秒射入致勝3分球，以6分之差擊敗湖人，同時令「紫金兵團」自57至58年後，再次遭逢開季5連敗。

高比拜仁下半場完全主導湖人的進攻，因而得到12次罰球機會並起手多達23次。「小飛俠」被問及是否因隊友未能提供足夠支援，而選擇自己進攻時稱：「我只係盡全力比賽，好多人都會睇到我起手幾多次，但佢哋未必睇到我幾努力去搵『餐士』、搶進攻籃板等等。」

湖人主帥史葛明言球隊上下對未能取勝感到沮喪，高比拜仁則認為與其花時間沮喪，不如努力求勝：「我哋依家可以做嘅係繼續努力打波，扭轉不勝頹勢。我哋可以連輸5場，同樣亦可以連贏5場。」湖人休息4日後，將於主場迎戰東岸球隊黃蜂。