渡海濠情：舊愛禮物 轉售圖利
日本有公司推出「失戀盒子」服務，只要你最近失戀，睇見舊情人送畀你嘅禮物篤眼篤鼻，咁你可以叫佢哋寄盒子嚟畀你，將所有嘢放入去，之後佢哋就會報價，睇吓你賣唔賣，嚟自金池桑拿嘅Hanh就話：「我有大把嘢賣！」
滿載而歸
Hanh話：「我喺老家由於太索，所以狂蜂浪蝶一大堆，佢哋日日都送嘢嚟氹我開心，收收埋埋，所以我間房真係成個儲物倉咁樣，由地下到天花都堆滿雜物，阿媽話最怕入去我間房打掃，怕一入去畀啲唔等使嘅嘢砸死就唔好啦！但當垃圾掉咗佢又唔係咁好，所以我真係非常頭痛，曾經諗過將啲禮物攞去跳蚤市場賣，但你知我咁靚女，一出街就『畀仔圍』，邊得閒賣嘢，何況附近啲男老闆，佢哋為咗討好我，呢個送件衫，嗰個又送條褲，每次出去，一件都賣唔出不特止，仲滿載而歸添，阿媽話過再出去擺攤就打斷我對腳，所以我咪再冇擺攤囉！家陣有啲咁貼心嘅服務，足不出戶就有人幫我搞掂晒啲禮物，實在太好啦！唔知日本呢間公司接唔接受海外服務嘅呢？」
無端發達
咁價錢方面會唔會割價傾銷呢？Hanh話：「咁又唔會喎！事關我班男朋友送嘅禮物件件都值啲錢，唔係平價嘢，所以至唔捨得掉，要我割價求售梗係唔得啦！特別係啲有紀念價值嘅禮物，例如第一次拖手，第一次親嘴，第一次激吻，同埋第次一上床，你咪心邪呀！我指嘅係同男朋友第一次同床瞓覺，嗰晚乜嘢事都冇發生，我男朋友仲送咗隻手錶畀我做紀念，呢隻錶當時都賣兩千幾蚊，家陣冇兩三千我都唔會賣呀！其實計吓計吓，我都有過千件舊男友送嘅禮物，一件唔好話賣過千，就算賣佢五、六百蚊，我睇都賣得幾十萬，無端端發咗達都唔知添，所以呢個服務我真係要聯絡一下，就算貴啲手續費都要搵佢哋幫幫手，而且舊嘅唔去新嘅唔嚟，我仲有好多禮物等住收呀！」
Hanh's Profile
年齡：21歲
三圍：35-23-34
撰文：小德
攝影：阿昌