絲絲講場：恒生結構投資產品獲獎
恒生（00011）做生意出名穩陣係人都知，佢哋喺金融海嘯時更憑住冇沾手次按相關嘅產品而威震香港銀行界，不過唔代表唔識創新，佢哋最近仲拎埋《Structured Products》雜誌嘅香港最佳結構式投資產品獎項。
掛鈎存款銷售破頂
《Structured Products》話，恒生喺金融海嘯之後反應迅速，成為本地第一間獲監管機構認可推出投資產品予零售投資者嘅銀行，恒生外幣掛鈎結構式投資產品——「更特息」投資存款仲打破埋該行紀錄，去年交易金額超過1,500億元。
絲絲睇番去年唔少銀行仲因為金融海嘯，搞到投資及理財業務一蹶不振，佢哋唉聲嘆氣之際，恒生就賣到破紀錄，真係唔講得小，恒生結構式投資產品業務主管袁妙齡（Wendy）可謂居功不小。
今年七月香港與內地修訂《人民幣清算協議》之後，銀行結構式投資產品又可以玩多瓣，恒生亦都共推出咗36個人民幣掛鈎表現票據系列，交易金額已經達10億元。
余絲韻