絲絲講場：AIA野外定向籌款創佳績
近年天災不斷，四川汶川大地震、台灣風災以至於近期嘅海地地震，絲絲見到都心痛，國際著名慈善機構無國界醫生就更加出盡力，四圍頻撲救人，原來友邦保險（AIA）對海地一樣咁關心，仲對無國界醫生出錢出力。
第9年參加攞總冠軍
絲絲八到，無國界醫生早前舉行咗一年一度嘅野外定向籌款，AIA連續第9年參加，今年佢哋嘅參加人數仲破晒紀錄，有成570人，連首席執行官陳榮聲都搵埋其他高層，包括副總裁及副總經理鄭國成、首席市場總監李滿能同埋副總裁及首席營運總監馬竹豪，齊齊拍住上，組咗隊「The Power of We」，今次總參賽人數有2,400人，即係有近四分之一都係AIA員工，你話幾墟冚。
上下齊心，AIA又真係戰績彪炳，捧走咗「商界盃」、「機構籌款卓越獎」及「機構籌款大獎」，仲拎埋全場總冠軍，不過最重要嘅係佢哋籌咗56萬元，加埋過去8年籌得款項，已經總共籌咗超過300萬元。
余絲韻