因為《黑天鵝效應（The Black Swan）》一書而喺經濟學及投資界打響名堂嘅塔利布（Nassim Nicholas Taleb），佢嘅威名更可能引來中國投資公司（CIC）嘅注意，外電消息指出，由塔利布做顧問嘅對沖基金Universa Investments，正就投資合作事宜與中投進行洽商，令塔利布有可能間接成為中投嘅合作夥伴。
塔利布嘅《黑天鵝效應》理論，一向主張經濟發展及投資市場擁有不可預知嘅隨機性，而投資市場可能出現嘅大幅波動，亦並非政策調控所能控制。建基於《黑天鵝效應》，佢喺避險基金上取得相當成績，近日更警告美股與美債均正步向崩潰邊緣，認為避險投資除持有現金外，更應該轉向農業等涉及人類生存必須嘅行業或產品之方向進行，好似投資橄欖園咁。中投今次有意與塔利布任顧問嘅Universa Investments合作，唔知係咪被佢嘅投資理論所打動呢？
余絲韻