正所謂施比受更為有福，唔少金融界人士都好熱衷慈善工作，除咗幫到人，仲可以得到好名聲。好似高盛主席兼行政總裁布蘭克費恩（Lloyd Blankfein），佢喺10年間已經捐咗1,130萬美元（逾8,800萬港元）畀唔同嘅機構。
布蘭克費恩同佢老婆成立咗個叫Lloyd & Laura Blankfein Foundation嘅基金，根據稅務文件，佢哋呢10年來平均每年捐咗130萬美元，受惠組織包括布蘭克費恩嘅母校哈佛大學、志在滅貧嘅Robin Hood Foundation等。
雖然華爾街一眾巨頭都好熱心公益，但捐款相對於佢哋嘅天價收入仍然係九牛一毛，布蘭克費恩呢10年來嘅人工、花紅、股份加加埋埋就有成2.4億美元。
余絲韻