希臘債務有解決機會，港股跟隨歐美股市連彈兩日，雖然指數好番少少，但入市資金仲係好被動，成交又唔夠，似反彈多於見底回升，加上長假期在即，睇來願意入市嘅資金都好有限，暫時都未見到有「大時代」。
中國人過年大過天，尤其是去年經濟谷底反彈，今年過年仲唔好好慶祝吓咩，預期今年農曆新年期間嘅銷售額，隨時可以創新高。內地人最鍾意飲酒，酒業股隨時借勢炒番轉。
通天酒業（00389）去年上市，因市場氣氛唔係太好，基本上上市後都無點炒過，大戶一直坐住晒啲貨，古晨留意到通天股價，係先過大市尋咗底，而且近日仲升番上10日線附近再收一浸，相信街外沽壓已經消化得七七八八，睇嚟假後爆上機會都幾高。半新股又未大炒過又有概念，其實值博率都好高，暫時先睇2.2元，止蝕可以定1.5元。
古晨