上證3,000點鐵底守不了，港股畀上證拖累咗成個月，惟恒指兩次跌穿20,000點都有反彈，大跌後暫時似有後抽，雖然尋日反彈力度唔強，但起碼叫做有得彈，鑊鏟友入市意欲雖然唔高，但至少唔會再亂車貨，有助市場信心嘅恢復。
反彈搵股炒，都係要搵番啲國策股，剛剛一號文件出台，支持農業嘅預算增加至8,000億元人民幣，既然中央要搞活農村經濟，鑊鏟友又點會唔埋位大搞呢？尋日啲農業概念股都炒得幾靚，其中超大（00682）單日就升咗成4%。
去年底超大以4.5億元嘅代價，收購咗一項生物科技研發業務，用以發展抵抗病毒及細菌感染嘅口服疫苗，當時係以7.65元發新股去進行收購，今次回調，股價一跌穿7.65元，即見有反彈，呈單日轉向，有勢自然有得炒，暫時向上睇9.8元，止蝕位可以定係7.2元。
古晨