描述主角為父治喪
絲絲記得去年有機會與劉總傾偈，席間佢提到母親喺佢15歲時離世，當時劉總家境清貧，但殮葬費唔平，結果搞到一家人要借錢辦理劉媽媽嘅身後事，事後亦要負債，令佢印象深刻。
咁啱嚟緊有套台灣電影推出，故事描述主角點樣為父親治喪，當中提到好多台灣傳統嘅喪葬文化，於是劉總就贊助呢部戲，聽講佢都會出席首映禮。
呢部戲係改編自同名散文作品，作者係導演之一嘅劉梓潔，佢喺○六年獲得「林榮三文學獎」散文首獎，據聞散文嘅靈感來自劉梓潔嘅親身經歷。絲絲記得之前有套日本電影名為《禮儀師之奏鳴曲》，講述日本對死人嘅尊重，拍得相當感人細膩，令唔少人留下深刻印象。
余絲韻