袁富華捧獎未諗加人工

出爐台灣金馬獎最佳男配角袁富華，與鄧萃雯為ViuTV新劇《婚內情》開工！攝影師特別「加餸」慶祝，袁富華笑言：「一返到香港就要排舞台劇，之後嚟呢度開工，工作都未停過，不過係開心嘅。」問到得獎後會否加片酬？他笑言未諗，對於圓「主角夢」亦隨緣：「緣分到自然有啦，其實之前都拍咗部電影做主角，不過未上映。有冇獎都唔緊要，最緊要有戲畀我做。」鄧萃雯大讚拍檔專業，期待合作擦出火花。