吳卓羲拍港姐 唔使「好客」

劉松仁、陳玉蓮、朱晨麗、吳卓羲及楊怡等，昨日為新劇《名媛望族》試造型。對於被指執陳法拉二攤，港姐朱晨麗表示不介意：「我第一次拍劇，有得參與已經開心。」在劇中與朱晨麗青梅竹馬的吳卓羲說：「各有各好，我唔會蝦新人嘅！（驚傳緋聞？）預咗有先，當宣傳。（對新人「好客」？）工作唔係講『好客』嘅，佢問到咪答！」
吳卓羲預咗會同朱晨麗傳緋聞。
吳卓羲預咗會同朱晨麗傳緋聞。

飾演松哥四姨太的楊怡，笑言不用坐大髀：「松哥坐我大髀就真！」對於在馬來西亞失落視后，她說：「唔失望，戥胡杏兒開心，但無綫個獎我一定撐番自己。」而三年沒拍劇的蓮妹，自《原來愛上賊》後再與松哥合作，但慨嘆化妝時間延長不少。

陳玉蓮再拍劉松仁，默契十足。
  • 陳玉蓮再拍劉松仁，默契十足。