張敬軒拍愛情動作片拉票爭獎
樂壇成績表尚未公布，不過張敬軒已先拔頭籌，由8間大學票選成為「我最喜愛男歌手」，更預告會為年底的頒獎典禮擸獎做準備，拍攝大尺度愛情科幻動作片拉票，志在必得！
《我們的大學叱咤巡迴頒獎禮》前日舉行，張敬軒「大滿貫」包辦8站「我最喜愛男歌手」，而樂隊Supper Moment（SM）亦同樣8奪「我最喜愛的組合」殊榮！軒仔笑指全靠個人魅力，加上是「IG紅人」才揮低其他對手，又抵死自爆有學「汪阿Tag」：「但都係差啲神韻，未敢用紅色寫，同埋佢啲Fans話我啲字唔夠靚，都係練吓先！」
軒仔笑言若要在年底的頒獎典禮再下一城，就要靠網上拉票，預告之後會推出自家製片，上演大尺度愛情科幻動作片：「氹吓大家開心，又可以再拉吓票，係有啲驚喜㗎！（對手係邊個？）多人！（大尺度即係會露點？）嘩！一嚟就諗到呢啲？正所謂『蔫豬頭有盲鼻菩薩』，一發不可收拾！」
謝安琪：不存在封殺
女歌手方面，謝安琪（Kay）奪得7站「我最喜愛女歌手」，她預告會出席年底的頒獎禮，對獎項沒壓力。對於有指她終於「解封」，可以到內地開騷，將於周六孖鄧紫棋及側田到中山開個唱的她，澄清不存在被「封殺」，對上一次在內地演出只是數月前：「內地有好多大大小小嘅演出，一路都有，亦都有美加嘅演出邀請，都唔知點解會有人問起，係呢幾個月趕緊隻碟就留喺香港。」
SM全員外遊
至於獨自領獎的SM成員阿雞指隊友全都去了旅行，而他昨晚亦漏夜陪老婆飛瑞士睇雪山，問到會否兩個去三個返？他笑稱隨緣，又打趣指早已為老婆準備了一張「無限額信用卡」。他又指SM會以平常心看待獎項：「有冇都冇所謂，有係Bonus，我哋都會繼續努力做歌，嘗試更多。」