馮盈盈戰衣撞款夜總會小姐
前港姐冠軍馮盈盈前晚以低胸及兩側透視晚裝亮相台慶，更自爆沒穿底褲，成為全城熱話。她昨日凌晨在社交網發言，指因今年參與司儀及表演項目，故想以一個新鮮造型來亮相：「也想挑戰自己突破框框再出發，感激我的團隊願意陪我一起瘋狂，一個月前已經要揀好裙子，因為要空運過來。」
不過，有網友發現內地購物網站，竟有一條「2018新款酒店夜總會小姐工作服」與她的戰衣相似，但卻只售168元人民幣。對此，她受訪表示感到欣慰及開心：「因為嗰個網嘅衫褲鞋襪都係根據依家最興潮流，所以會有類似嘅款。其實我條裙係以色列名牌，係連Katy Perry都着嚟行紅地氈，真係國際品牌嚟嘅。（似夜總會工作服？）我冇喺夜總會工作過，唔知係着咩衫，揀裙時冇諗過有人會有咁嘅聯想，其實我條裙同嗰條真係有分別嘅！」