傑志再調整惡鬥富力R&F
「中銀人壽香港超級聯賽」今晚8時戰火重燃，傑志於旺角大球場主場迎戰南下之師富力R&F。傑志上輪展現超強火力，今仗面對有盧均宜、林志堅及福保羅倒戈的客軍，兩支猛「藍」激戰難免！球迷只要登入http://tv.on.cc/kitchee/，登記及付款50港元訂購「直播通行證」，便可透過on.cc東網觀賞直播。
（on.cc東網周三晚8時直播）
朱志光： 平常心迎3舊將倒戈
今場為早前因颱風「山竹」襲港影響的補賽，傑志上仗半場與凱景互交白卷下，下半場趁對手少踢兩人，瘋狂轟入8球大勝而回，惟主教練朱志光坦言此戰表現未達水準：「足球係要逐場計，上場雖然大勝，但上半場打得唔好，入球嚟得好遲，反而今季有啲和波嘅賽事，上半場踢得好好。足球就係咁奧妙，所以視乎我哋點去調整，國際賽期呢段時間，我哋喺心態同控制節奏方面落工夫，希望有成效。」「朱Sir」透露今仗會收起代表港隊踢東亞錦的丹尼及黃洋，至於今仗或會面對舊將盧均宜、林志堅及福保羅，他表示會平常心看待，認為大家對彼此踢法都頗「熟路」。
楊正光望林志堅幫到進攻
揮軍南下的富力R&F，主教練楊正光坦言今仗難踢：「傑志喺華杜斯回巢後攻守更平衡，佢哋比起季初表現愈嚟愈好。」球隊上場以1比3不敵和富大埔，「光Sir」認為球隊表現不俗：「其實上場我哋主導咗賽事，只係防守細節上有啲失誤，加上有好多機會把握唔到，所以輸波。」陣中前鋒近3仗均未能取得入球，「光Sir」明言不擔心：「球員狀態有高低係正常，我哋製造到機會但欠臨門一腳，今場有番林志堅喺進攻上會較好。」對手主力黃洋和丹尼為港隊在東亞錦踢足3場，上陣時間對比富力的陳俊樂及梁諾恆多，「光Sir」認為會是優勢，球隊目前只有寧安受傷。
文：何彥霆、陳焌鏗