黃庭鋒碩士畢業旺到擸巨獎

現年30歲的無綫藝人黃庭鋒於台慶贏得51萬現金大獎，連同獎品總值超過100萬港元，於即將播出的青春劇《救妻同學會》有不少戲份的他，除有外形，原來很有內涵，曾在國際學校任職體育老師，入娛樂圈後亦一直在中文大學修讀體育文學碩士課程，近日更獲一班圈中好友胡鴻鈞、朱智賢、劉溫馨及蔚雨芯等出席畢業禮，黃庭鋒說：「原本係用兩年時間修讀，但因為好多時都撞咗工作時間、半工讀壓力亦好大，所以最後延期讀咗兩年半。最深刻係最後嘅課程比較難，但同時間又要做一個新嘅綜藝節目，所以就帶晒筆記同notebook去開工，一邊溫書。」