陳豪恨做視帝祥仔施壓

陳豪昨日出席活動時獲頒「最強人氣廣告天王獎項」，同場還有陳百祥、毛舜筠、樂易玲，陳豪不諱言今年是豐收年，連續幾個月都攻陷式拍廣告搵真銀，他又謂：「對我嚟講，廣告獎同男主角一樣，廣告獎係利，男主角即係名，如果攞埋就名利雙收，依家單收啫！」他坦言想攞視帝獎項，但有收看黎耀祥在《巾幗梟雄之義海豪情》中演劉醒的他，笑言深感壓力大。

超市掃紅酒慶功

而黎耀祥昨日亦以百佳超級市場代言人身份與太太進行瘋狂掃貨，兩人在限時內專揀貴價紅酒及花膠，結果共獲價值八千多元的物品，黎耀祥說：「我拿紅酒都係為了同事，之後慶功大家一齊飲。」說到《巾幗2》雖然口碑好，但收視平均只有31點，祥仔表示：「都唔會失望，收視中規中矩，始終八點半係個困局，好多觀眾都未收工，但聽講網上有幾集有過百萬觀眾收睇。」

黎耀祥與太太在限時內狂掃貴價紅酒及花膠。

陳百祥與毛舜筠講個唔停。

籲粉絲結局造勢

祥仔表示現在只有寄望大結局能衝破《大長今》收視紀錄，他呼籲《巾幗2》粉絲齊齊欣賞大結局創造收視紀錄，這樣就完美了。問到與太太夫妻檔搵銀酬勞是否特別高，他說：「只係加少少，反而覺得一家人拍有另一番意義，佢講兩句對白都NG好多次！等佢知道拍嘢有幾辛苦！」

文：影視組