嘉玲隔空解相思：掛住偉仔

嘉玲昨出席行李品牌Delsey活動。談及近月與偉仔兩地分隔，老公忙於在內地拍攝王家衛新片《一代宗師》，嘉玲即謂：「掛住o架，屋企人嘛，睇相覺得佢弗咗。（有幾耐冇見？）都個幾月，遲啲轉景佢可能會返嚟休息吓囉。（阻住造人？）順其自然啦。」

無悔年少輕狂

刻下嘉玲與偉仔只能透過長途電話或視像聯絡，但她卻堅拒北上探班，嘉玲說：「連王家衛都唔知仲要拍幾耐，不過佢（指偉仔）慣咗呢種工作模式，佢亦有講過體力上差咗好多，係辛苦同瘦咗，不過我認為佢呢個年紀，依家係最佳狀態，我都好期待睇呢部戲。」

談到很久沒有與好友郭台銘通電話時，嘉玲坦言未知是否已皈依關係，近年十分享受獨處，很少與友人聯絡，嘉玲說：「一個人嘅時候思路清晰好多，不過冇後悔以往年少輕狂嘅日子，都係一種經歷嚟嘅。（同偉仔再夾啲？）都係，不過唔係因為佢嘅影響，係發自內心嘅轉變。」至於郭台銘在深圳的富士康公司不斷發生自殺事件，嘉玲謂：「我未管理過大企業，但咁樣嘅話管理模式都應該調整一吓。依家啲人太輕視生命，反而以前打仗，啲人冇咁容易輕生，或者依家承受唔到社會壓力啩。」

睇人爆篋嚇呆

而嘉玲昨獲贈貼上水晶石的行李箱，又在限量版行李箱及自己與偉仔的水晶郵票上簽字作拍賣，所得善款撥歸聯合國慈善基金之用，可見靚女善心非常。至於有人即場示範「爆篋」，看得嘉玲目瞪口呆：「唔見咗嘢可以買過，最擔心係有人放啲唔屬於我嘅嘢入我個篋度，咁就麻煩嘞。」

文：影視組