梁漢文首爾驚心動魄兩粒鐘
南北韓昨日爆發軍事衝突互相發炮，戰爭一觸即發，在這局勢緊張時刻，梁漢文（Edmond）、許志安、蘇永康、張衞健（Dicky）、吳國敬和單立文昨午剛巧身處首爾機場，Edmond第一時間上網留意戰況，安仔就將一切交託給主，祈求平安！
南北韓的戰幕於昨午2時許爆發，有士兵不幸喪生，際此風聲鶴唳關頭，Edmond、安仔、Dicky和康仔下午5時左右飛抵首爾機場，準備晚上7時轉機飛美國開騷，Dicky的太太張茜、好友吳國敬和樂隊成員單立文等同行，在機場度過了驚心動魄的兩小時。
於黃昏6時許，記者致電多次終成功聯絡上置身首爾機場的Edmond，他現場直擊報道當地情況：「我哋搭7點機去美國，呢度氣氛冇乜特別，都算平靜。（機場有冇向旅客廣播戰事？）我哋都唔識聽韓文，唔知機場有冇廣播！我哋落機都唔知呢件事，係等轉機時上網先知，現場氣氛唔覺有影響。」
安康：唔會殃及池魚
當他們知道南北韓開火後，都緊張地留意事態發展，各人忙於上網留意最新情況，問Edmond驚不驚？他指因機場氣氛平靜，大家都算輕鬆，即使家人亦不知他們在韓國轉機，問Edmond安全起見是否留在機場不會周圍走？他說：「冇得走，轉機時間好短，食完個麵就上機。」Edmond未試過去韓國旅行或工作，故不了解這個國家，他希望世界和平，不要打仗，武力不能解決問題。
至於跟前女友信了基督的安仔透過唱片公司回應：「喺韓國機場好安全。（驚唔驚？）唔驚，交託畀主。」康仔亦透過發言人說：「唔驚，未打到嚟首爾，我哋轉機啫，冇事嘅，我諗唔會殃及池魚，希望世界和平！」Dicky則在微博上載了和老婆張茜於韓國機場的合照，兩人面露笑容向好友和fans報平安。
單立文亦影了張機場景相片放上微博，寫着：「feel so weird（怪異）」蔡卓妍、鍾欣桐、陳偉霆都留言謂很擔心、好恐怖，要他小心，單立文的太太胡蓓蔚接受訪問說昨日沒有與老公通電話，只知他自南韓轉飛美國，她對南北韓開火並不知情，不過並不擔心，若然有事老公自會聯絡她。
Ana R.感震驚忙上網
另方面，鄧穎芝的妹妹昨早飛往韓國，事發後她第一時間與妹妹聯絡，但未取得聯絡，令她又擔心又驚，希望妹妹安全，叫妹妹留在酒店及盡快返港。而衞蘭（Janice）、洪天明、Ana R.的媽咪都是韓國人，Janice說媽咪在韓國，很擔心其安全，要視乎局勢及情況而定叫媽咪來港。洪天明因媽咪來了香港較為放心：「不過外婆、外公就喺南韓，會打電話過去問吓，我估都冇事嘅。」而Ana R.知道消息後大為震驚：「我即刻上網同睇CNN了解，好在媽咪依家唔喺韓國，但都有好多親戚喺度，我會SMS問候佢哋，今次件事發生喺邊境，都算不幸中之大幸，希望快啲解決，唔好惡化。」
文：音樂組